ivamos!

Hindi naman lahat ng nagyayaya sa kin e sinasamahan ko dahil una, hindi ako pokpok, pangalawa, hindi naman lahat ng tao e pinagkakatiwalaan ko. Ganto kasi yon, kung trip ko ang trip mong puntahan, ako pa ang hahatak sa yo pero kung di naman, kung kaya mo kong kaladkarin e di magpapakaladkad ako. Kasama kasi ng kasunduang iyon ang all expenses paid na patakaran. Lagalag na kung lagalag. Kalat. Walang direksiyon pero ang tanong ko: sino bang hindi? Lahat naman tayo, kaladkarin. Puwede naman kasing hindi mismo papunta sa isang lugar tayo dinadala. Puwedeng papunta sa pinakamasasaya nating panaginip. Kailangan tayong kaladkarin kasi kahit gaano kasaya don, alam nating panaginip yon. Puwede ring hinahatak tayo papunta sa pagkasira ng mga pangarap. Hindi na kailangang tanungin kung bakit kailangan pang kaladkarin papunta roon. Para lang yang niyayaya ka magdroga o magpunta sa Payatas. Lagi tayong kinakaladkad ng mga magulang natin, ng mga guro natin, ng mga kaibigan, ng mga matagal nang kilalang biglang makakasalubong sa daan. Minsan, pag sinwerte, kidnapper pa kakaladkad sa tin. Di na ko magtataka kung isa sa mga araw na ito, maibenta ako ng isang lumpen sa isang sindikatong nagbebenta ng mga internal organ sa mayayamang may sakit. Bahala na. Ang tsansang mangyayari sa kin yon e kasinlaki lang ng tsansang sa yo yun mangyayari. Kaya ngayon pa lang, sumama ka na sa kin. Kikidnappin na kita. Ikaw ang bahala kung sa’n mo gusto, kung sa kasiyahan o sa pagdurusa.

Last Text

Let’s love each other equally. Because if what you’re saying is true that you love me more than I love you while what I think I know is that I’m loving you wholelly, with that, relatively,   maybe, you’... more

Previous blog entries:
May 7	-	Bahagi ng kuwento kong "Break-up"
May 7	-	Guilty
Apr 22	-	blag

third class superhero

galing lang. akala mo sa una mukhang pangmatalino pero keri lang pala. suwerte ko talaga sa book sale 10 dollars siya sa tate pero nabili ko lang nang 70 pesos. dahil maikli nga naman yung rebyu, heto habaan natin. libro ito ng mga kontemporanyong... more